Reise 2010

 

  • An der Versammlung in Aetigen wurde Anton Zappa zum Ehrenobmann ernannt. wir gratulieren zu diesem verdienten Ehrenamt.
  • Ueli Wälchli wurde mit sehr starkem Applaus zum neuen Obmann gewählt. Ueli viel Spass an diesem neuen Amt.

------------------------------------------------------------

 

------------------------------------------------------------

 

Dr Obmann Toni

  

Dr Toni wott, mir heis grad ghört, als Obmann demissioniere

mir müesse das, ob mir wie oder nit natürlich akzeptiere.

Sy Gsundheit macht nüm ganz so mit nach so viele Johre

im Gärtnerbruef, das weisch jo du, gits chaut Füess wie ne Moore.

 

D Bräschte gnage a de Chnoche, es brämset öppis hingedra

Und de merkt me plötzlich, dass me äbe nümm so ma.

Du wirsch dy gfrogt ha hingedry, ersch bi ig doch no zwänzgi gsy!

aber äbe das isch Schnee vo geschter, die Zyte die sy doch verby

und so geits im Läbe aune, es muess doch sicher ou so sy.

 

Du wirsch e grossi Lücke hingerloh, do im Klub vo de Alte

Es isch schad dass scho geisch, mir hätte dy gärn no es bitzeli bhaute.

E härzliche Dank, das isch doch klar, vo dr ganze Reiseschar

E gueti Gsundheit uf all dine Wäge, Zfriedeheit und Gottes Säge

und natürlich ou, em Beatrix dir liebe Frou.

 

So jetzt wott ig höre mit verzelle, dr Zeiger dä tuet vorwärts schnelle

Zyt die louft und blibt nit stoh, mir wie schliesslich no uf nes Reisli goh.

Aune wünsch ig e schöne Tag, s Wätter stimmt, das isch kei Frag

Drum wie mir jetzt ohni zverzage, übere aute Röschtigrabe

Die hei guete Wy und feine Grappa, das isch no e Tipp vom Toni Zappa

 

So, Gschicht isch fertig, Schluss verby, jetzt wie mir fahre stieget i!

 

Bellach, 10 Juni 2010                                                         Ueli Wälchli

 

 

75 Fotos von der Reise 2010 / pk